LABEH ejiji atensaun PN ba esbosu lei anti Korupsaun


ImageRadio, online –  Lalenok Ba Ema Hotu – LABEH hanesan ONG Anti Korupsaun, uluk liu hakarak hato’o parabens ba reprezentante povu iha Parlamentu Nasional (PN) ba aprovasaun Lei Orsamentu Jeral do Estado  (OGE) 2013 ho unanimidade, votus afavor 64 ne’ebe marka mos hanesan konverjénsia politika ida atu hamoris dinámika foun hodi harii demokrasia,  meius foun ba reforsu sidadania  ida responsavel no demokrasia partisipativa ida hafoun tinan sanulu independente.

http://www.radioliberdadedili.com asesu informasaun liu husi via email, Kuarta, (20/2). LABEH konsidera ne’e la’os buat foun iha Parlamentu Nasional tamba aprovazaun ne’e hanesan ba dala rua ona akontece iha PN, Deputados sira antes ne’e aprova mos ho unanimidade proposta lei ho numero 9/2005 loron 3 fulan Agostu, Lei Fundu Petrolíferu no Terca feira semana ne’e (18/2) aprova mos ho unanimidade (votus afavor 64) Lei OJE 2013.

LABEH ne’ebe mos hanesan membru kontaktu ba International Budget Partnership hakarak fo sai ba publiku rezultado survey  mundial ida konaba jestaun transparencia ba orsamentu estado ne’ebe hala’o husi Open Budget Survey ne’ebe Timor Leste rasik hetan score 36 ne’ebe kompara ho relatorio survey tinan rua liu ba Timor Leste hetan score 34 husi total score 100.

Liu husi Direitor Executivu Julio Gil da Silva Guterres, LABEH oficialmente hakarak bolu liu atensaun ba deputados hotu iha Parlamentu Nasional atu fortifika instituisaun estado sira ne’ebe hari ona ho misaun atu promove transparencia no akuntabilidade liu husi kombate korupsaun hanesan Komisaun Anti Korupsaun (KAK) hodi bele forte liu tan no iha atu halo fiskalizasaun ba orsamentu estado no iha Nehan atu tata koruptor sira ne’ebe la kontribui ba prosesu hametin boa governasaun iha durante exekusaun OJE 2013.

Tuir Gil da Silva, dalan legal ida ne’ebe PN tenki foti hanesan komitmentu atu hametin KAK ne’ebe hari tinan tolu ona (Febreiru 2010 – Febreiru 2013) maske sidauk hatudu servisu ne’ebe signifikante maka liu husi aprovasaun esbosu lei korupsaun ne’ebe iha ona meja parlamentar.

“Timor Leste nia komitmentu atu hamosu grupo kontra korupsaun ne’e barak loz ona, ita hahu ho Inspektur Jeral de Republika, Provedoriados Direitos Humanos e Justica (PDHJ), Forum Nasional Kontra Korupsaun iha (hari iha Delta Nova 24 Maiu 2010), Grupo Parlamentar ba Anti Korupsaun (GOPAC),  Ratifika Konvensaun Nasoens Unidade Kontra Korupsaun (UNCAC) iha loron 27 Marcu 2009 no Establesementu KAK iha Febreiru 2010, buat sira ne’e hotu sei la vale bainhira Lei Anti Korupsaun ida la hetan importansia husi Parlamentu Nasional” Gil da Silva hateten.

Tuir LABEH katak, pareser oin oin husi sociedade civil hato’o ona ba PN, maibe seidauk hetan importansia husi meja parlamentu nasional, tan ne’e LABEH eziji atu iha loron hirak tuir mai PN liu liu komisaun C asuntu anti korupsaun nian atu fasilita hikas debate nakloke ida ho sociedade civil ou plenaria parlementar ida atu halo diskusaun ida klean ba projetu esbosu lei ne’ebe kompostu ho kapitulos 4 no artigu 29 ne’ebe iha ona meja PN.

“Deputados sira presiza estuda no halo esplikasaun halo didiak tamba tuir projeito lei ne’e fo esplikasaun klean kona ba tipos de krime iha Corrupção ne’ebe projeitu ne’e iha krimi rua mak la hakerek iha  Código Penal hanesan Tipos krimi “o enriquecimento ilícito” (art. 5. do projecto – exigencia do art. 20 da UNCAC)  no  “a fraude na construção (art. 7. do projecto)” Gil hateten.

Direitor Executivo ne’e mos husu atu Parlamentu hadia mos artigu sira hanesan “penas aplicáveis a pessoas colectivas” (artigo 4. Do projeitu) hodi deskrebe klaru katak kuandu kompania halo aktu krimi korrupsaun, estado liu husi Ministeriu Publiku sei deklara kompania ne’e bankrut ou buat ida ita bolu “Pailit” no estado bele rekolha ou foti tomak kompania nia asset.

Nune;e mos iha artigu  7 konaba “fraude na construção”:  artigo ida ne’e ladun klaru ou jeral liu, tenki esplika konaba konaba tipu de frauda ne’ebe mak sei prejudika kualidade projeitu.

Advertisements
By alinmeo Posted in News

One comment on “LABEH ejiji atensaun PN ba esbosu lei anti Korupsaun

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s