LABEH diskorda total julgamento hasoru Jornalista Timor oan


GilRadio, online – Lalenok Ba Ema Hotu (LABEH) liu husi departmentu Advokasia no Monitoring hafaoin avalia artigu ou nutisia ne’ebe publika iha Diario Independente iha loron 2 Fevereiru 2012 husi jornalista Raimundus Oki ho titulu: “Kazu Ema nain 3 mate iha insidente trafiku iha Oecusse, Kondutor Halai ba Indonezia, Patraun sai Tarjetu Protestu Husi Familia Vitima” Nune’e LABEH foti konkluzaun ida katak desizaun halo julgmantu no fo Termu de Identidade Residensia (TIR) ba Jornalista Timor oan ne’e laiha fatin no LABEH diskorda total aktu judiciario ne’e.

Informasaun ne’e, www.radioliberdadedili.com asesu husi via-email Kinta, (28/2). Direitor Executivu LABEH, Julio Gil da Silva Guterres liu husi komunikadu imprensa hateten katak noticia ne’ebe publika kobre tiha ona both side no fonte informasaun kredivel no konfronta  tiha ona informasaun ka faktu  sira.

Husi prinsipiu balancu jornalismu nian, Eis Direitor Centru Jornalista Investigativu Timor Leste (CJITL) ne’e hateten katak  artigu ne’e laiha liafuan defamasaun ida iha nutisia nia laran, laiha tendensia pesoal jornalista nian  no laiha opiniaun pesoal jornalista nian nune’e mos akuzadu hetan tiha ona opurtunidade atu responde.

Husi parte Aspeitu legal nian LABEH analiza katak, nutisia ne’ebe Independente Publika, la- viola kodigu  konduta jornalismu nian.

Tuir LABEH , iha kontestu Indonesia, Lei Imprensa Numero  40/ 1999 konsidera nudar Lex Specialis no Kodigu Penal nudar Les Generalis. Iha kontestu  “Lex specialis derrogat lex generalis”, signifika katak pers ne’ebe halo asaun penal, la bele hodi fali Kodigu Penal atu julga maibe tenki Lei imprensa.

Tuir lei ne’e iha artigu 18 alinea 2, jornalista ne’ebe hakerek nutisia la bele hetan pena no autor nutisia iha media imprime ne’e responsabilidade Kompania Imprensa ne’ebe  Chefe Editor mak representa tamba lei ne’e la iha kuntiudu konaba responsabilidade pesoal nudar sa mak vigor iha  Penal Komum no dala ida tan LABEH hare katak totalmente artigu noticia ne’ebe publika ne’e la viola artigo 18.

Hare’e ba Artigu 18 alinea 1,2 no 3 husi Lei Imprensa ne’e la iha kontiudu ne’ebe preve konaba insulta no defamasaun ne’ebe nia responsabilidade tenki husu direitamente ba ema ne’ebe mak iha indikasaun halo asaun ne’e.  Insulta no defamasaun preve tiha iha Kodigu Penal, iha Artigu 310-311.

Nune’e LABEH hare katak aktu julgamentu ne’e hanesan laiha fatin no LABEH diskorda totalmente no hare katak maneira ne’e iha tendensia liu atu fo minimiza karakter no korajen media nasional sira atu iha brani liu tan hodi hakerek investigativu nian.

Analiza ba situasaun ikus konaba kazu ne’ebe hasoru Jornalista iha semana rua ikus ne’e, LABEH hakarak halo pedido urjente ba Sekretariu Estado Komunikasaun Sosial atu tau matan ba kriasaun Lei Imprensa ne’ebe bele asegura papel jornalista nian iha aspektu legal no fo esplikasaun detalha konaba knar professional media nian atu bele kontribui diak liu tan ba prosesu hari nasaun, kombate korupsaun no promove boa governasaun, transparencia no akuntabilidade. ***

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s